XIMO NAVARRO CRE QUE LALIGA EA SPORTS "É UN RETO MOI BONITO PARA TODOS, PARA CADA XOGADOR, PARA O CLUB. TEMOS QUE ESTAR Á ALTURA"

Ximo Navarro atendeu aos medios de comunicación este martes 4 de agosto no Centro Técnico da Federación Italiana de Fútbol situado en Coverciano, na periferia de Florencia.Ante os amigables fronte á ACF Fiorentina (xoves 6 de agosto ás 20:00) e fronte ao Genoa CFC (20:45), retransmitidos ambos en directo polo canal oficial de YouTube del RC Deportivo, o defensor deportivista ve ao cadro "con ganas. Motívanos poder xogar contra equipos doutras ligas porque non tes moitas oportunidades de poder facelo habitualmente".Advirte que "van ser rivais de nivel para ir vendo onde estamos, para ir mellorando, para poñernos a eses niveis que nos vai esixir LaLiga EA Sports".O defensor deportivista lembra que "queda pouco para o comezo de liga. O importante é chegar nas mellores condicións a ese primeiro partido (en ABANCA-RIAZOR ante o Elche CF o luns 17 de agosto). Levamos unha boa dinámica e unhas boas semanas de adestramentos".Apunta de LaLiga EA Sports que "sabemos o nivel que hai. É certo que cada vez as diferenzas son máis pequenas coa Segunda División pero unha vez que comezas a xogar decátaste de que os rivais son equipos históricos, con moito poder económico, con xogadores de moitísimo nivel. Unha vez que estás aí dentro decátaste de que calquera erro te penaliza, a xente ten moitísima calidade. Hai diferenzas. Imos ter que mostrar un nivel moi alto para estar a ese nivel. Hai xogadores moi bos aquí tecnicamente para facelo mellor en Primeira División ca en Segunda. Imos ter que estar moi preparados e ser conscientes de que vai ser unha temporada bonita pero á vez complicada".Preguntado polas novas incorporacións, o futbolista granadino pensa que o Dépor "está facendo unha aposta por xogadores novos. Trabállase ben no mercado de fóra de España nese tipo de futbolistas que che poden dar anos moi bos, con opcións de futuro. É un cadro de por si bastante novo. Tamén fai falta xente con experiencia".Precisamente sobre Aubameyang opina que "todos o seguimos anos atrás cando xogou en grandísimos clubs, os máis grandes de Europa. Todo o mundo o coñece. Para a idade que ten está a un nivel físico incrible. Segue sendo moi rápido, moi potente, vainos dar moitísimo. Logo os novos son xente de calidade. Bright é un portento, xoga moi ben co balón. Amatucci xa o coñeciamos da temporada pasada na UD Las Palmas. Sorpréndeme moitísimo porque é pequeniño pero ten moita forza e xoga moi ben co balón. Aos demais irémolos vendo. Johny (Asp Jensen) ten esa pequena lesión e agardaremos por el para ir véndoo. Hai un equipo moi bo, fichaxes moi ilusionantes e vannos dar moito".A nivel persoal, Ximo Navarro asegura atoparse "moi ben. O outro día (fronte ao FC St Pauli) non xoguei por unhas pequenas molestias. Son semanas de moita carga nas que hai moitos partidos. O outro día descansei pero síntome ben, adestrando ao 100%, con moitas ganas despois de anos de volver xogar en LaLiga EA Sports. É un reto moi bonito para todos, para cada xogador, para o Club. Temos que estar á altura, mostrar que temos máis nivel ca a temporada pasada porque así o vai esixir LaLiga EA Sports. Estamos todos moi contentos, moi ilusionados e con moitas ganas de que comece".Con 177 partidos, 3 goles e 5 asistencias en LaLiga EA Sports, comenta que "cos anos sinto que mellorei. Síntome máis completo. Mellorei moito nestes anos aquí no Dépor. Oxalá que coa confianza coa que veño xogando e como me sentín estes anos a tivese tido naquelas épocas. Rendín a un gran nivel en Primera División. Nos equipos nos que estiven sempre xoguei. Teño moita confianza en min para esta temporada e síntome preparado".Finalmente, Ximo Navarro subliña que "desde que estou no Dépor vin unha unidade entre o Club, a afección e os xogadores moi grande. É importante para todos nesta temporada estar o máis unidos posibles. Dentro do vestiario sabemos o importante que é a afección para este Club, para todos nós. Empuxaron sempre con nós".