Giacomo Quagliata (Palermo, Italia, 19 de febreiro de 2000) chegou para reforzar o lateral esquerdo do Deportivo na tempada 25/26. Na campaña 2024-25 disputou un total de 26 partidos na Serie B italiana entre o US Cremonese e o US Catanzaro, con 2 goles e 5 asistencias. Tamén participou en 3 partidos do play off de ascenso e 1 encontro da Copa de Italia. Quagliata desenvolveu boa parte da súa carreira no US Cremonese, co que xogou un total de 72 partidos con 1 gol e 4 asistencias. Deles, 20 foron na máxima categoría italiana na tempada 2022-23. Tamén pasou pola Primeira División holandesa, concretamente nas filas do Heracles Almelo (tempadas 2020-21 e 2021-22). Na máxima categoría holandesa xogou 54 partidos con 1 gol e 5 asistencias. Giacomo Quagliata defendeu en 5 ocasións a camiseta da selección italiana sub-21, con 1 gol anotado.