
DÉPOR FABRIL · 21 NOVEMBRO 2026
EL FABRIL RECIBE ESTE DOMINGO 22 ÁS 16:00 AO CD CORIA NO CAMPO ARSENIO IGLESIAS "IGUAL DE CÓMODOS" QUE EN ABANCA-RIAZOR
El Fabril enfróntase este domingo 22 de novembro ao CD Coria en partido correspondente á 13ª xornada en Primera Federación.O choque arrancará ás 16:00 (Fan Play TV) e será por segundo encontro consecutivo no campo Arsenio Iglesias.Manuel Pablo subliña que "en ABANCA-RIAZOR ata o día do CD Extremadura competiramos ben e eles séntense cómodos. E aquí, que che vou dicir? É a nosa casa, estamos todo o día aquí e sentímonos cómodos".Lembra que "como todos os equipos cando xogas na casa estás cómodo e fóra vaiche custar máis. Estamos igual de cómodos aquí".Os fabrilistas, tras o empate ante o Barakaldo CF, suman 12 puntos na 18ª posición.En canto ás baixas, o técnico fabrilista explica que os lesionados "non son xogadores que estean para a semana, senón para un período máis longo. O que máis preto está de volver é Dipanda. Damián Canedo está adestrando pero sen ficha. Imos recuperando algún efectivo pero perdemos a Manu Ferreiro tamén".Precisamente do canteirán engade que "están facendo probas pero é unha rotura que non vai ser de 1 semana ou 2. É unha mágoa porque falamos do talento de Manu pero estalle custando estes últimos anos o tema das lesións".Iso si, o equipo tamén poderá contar con xogadores que están na dinámica do primeiro equipo como Kevin Sánchez e Rubén López; ademais de Noé, que viaxou a Vitoria pero non xogou ante o Deportivo Alavés.

Foto: CD CoriaPola súa banda, o CD Coria, que a pasada xornada venceu por 4-2 ao Unionistas de Salamanca CF, ten 15 puntos na 13ª posición.Lonxe do seu campo esta campaña os estremeños venceron ao CD Mirandés (0-2); empataron co AD Mérida (0-0); e caeron co Real Unión (4-1), CD Lugo (1-0) e Zamora CF (2-0).O seu técnico Rai Rosa asegura que a semana, despois de 2 vitorias consecutivas foi "moi tranquila, moi boa de traballo. Cando a dinámica é positiva o ambiente sempre cambia".Apunta que "viaxamos moi ilusionados á Coruña, a intentar realizar un bo partido, seguir con esta dinámica".Finalmente o adestrador do CD Coria admite que é o mellor momento da temporada para o equipo aínda que advirte que "sempre hai algo que mellorar".

Calendario en ANOSACANTEIRA feminina, co líder Dépor ABANCA B...

Manuel Pablo: "Somos os novos, xente nova. Estamos aprendendo...

Antonio Hidalgo advirte da "dificultade que ten Mendizorroza ...

Un Dépor ABANCA coas "cousas positivas, que foron moitas" do ...

Un Dépor cos seus 5 internacionais visita este sábado 21 de n...

Alberto Rodríguez constata que "a Liga F cada vez está máis i...