RCDeportivo Logo
https://www.instagram.com/rcdeportivo/https://www.tiktok.com/@rcdeportivohttps://x.com/RCDeportivohttps://www.facebook.com/RCDeportivo/https://www.youtube.com/@rcdeportivo
Un Dépor cos seus 5 internacionais visita este sábado 21 de novembro ás 14:00 en Mendizorroza un Deportivo Alavés "con ganas de volver conectar coa nosa afección"

DÉPOR · 20 NOVEMBRO 2026

UN DÉPOR COS SEUS 5 INTERNACIONAIS VISITA ESTE SÁBADO 21 DE NOVEMBRO ÁS 14:00 EN MENDIZORROZA UN DEPORTIVO ALAVÉS "CON GANAS DE VOLVER CONECTAR COA NOSA AFECCIÓN"

O Dépor retoma LaLiga EA Sports tras o parón de seleccións nun ateigado Mendizorroza ante o Deportivo Alavés este sábado 21 de novembro por primeira vez esta temporada ás 14:00 (Movistar LaLiga).Os Nosos, que empataron hai 15 días no RCDE Stadium ante o RCD Espanyol, suman 15 puntos situados na 9ª posición.Serán baixa para o encontro Bright Ede e Zakaria Eddahchouri.Antonio Hidalgo explicou na rolda de prensa previa que "Zaka vai evolucionando moi positivamente e xa está facendo cousas co grupo. Entendemos que a semana que vén poderá participar máis. Bright empezou cun pouco máis de carga a semana pasada. Non se atopaba de todo cómodo. Por precaución decidimos parar un pouco a ver se esa evolución podía ser un pouco máis segura".En canto a Aubameyang, que onte sufría unhas molestias nun nocello, o técnico declarou ser "sempre optimista" sobre a posibilidade de que poida estar á súa disposición para o partido ante os alavesistas.O dianteiro deportivista completou unha parte co grupo e outra cun plan adaptado de golpeos e remates.Os branquiazuis puxeron este venres o punto e final a unha semana de adestramentos marcada polo paulatino regreso dos internacionais.Así, Nsongo Bil, Lorenzo Amatucci e Lucas Noubi puxéronse ás ordes de Antonio Hidalgo o mércores; David Mella este xoves; e José María Giménez este mesmo venres despois de ser titular na madrugada en Galicia do pasado martes ao mércores con Uruguai ante a República Dominicana.O preparador branquiazul admitiu que sobre todo no caso do internacional uruguaio "son viaxes moi longas. Acaba de chegar e mañá tomaremos a mellor decisión".

Este venres, o central deportivista completou unha parte da sesión cos seus compañeiros antes de pasar a tarefas de recuperación física.

gimenez1120.jpg

O corpo técnico dispuxo este mediodía para pechar a semana de traballo antes de partir a primeira hora da tarde a Vitoria unha activación con rondos, un ensaio de accións a balón parado, fútbol reducido e un exercicio de finalizacións.Noé foi o representante de ANOSACANTEIRA.Sobre o fabrilista, Antonio Hidalgo veo "nunha dinámica de crecemento e que está demostrando en Primera RFEF o talento e a calidade que ten. Contamos moitísimo con el pero temos un gran número de xogadores nesa posición. Temos que ver os momentos nos que podemos ir introducindo a Noé na dinámica do primeiro equipo. Está dando pasos cara adiante pero ten que seguir empurrando no día a día connosco. Estamos encantados con el e o seu rendemento así o está demostrando".A última vez que o Dépor pisou o céspede de Mendizorroza foi a temporada pasada, con motivo da visita ao CD Mirandés, que daquela se vía obrigado a xogar lonxe de Anduva. Naquela ocasión golearon Os Nosos (0-5) con Luismi Cruz -2- e Eddahchouri -3- como goleadores.Pola súa parte, o Deportivo Alavés, que a pasada semana empatou (0-0) co Sevilla FC no Sánchez Pizjuán, é 12º con 13 puntos.En Mendizorroza esta temporada o cadro vitoriano venceu ao Getafe CF (3-0), ao Villarreal CF (1-0) e ao CA Osasuna (5-2); empatou co Málaga CF (1-1); e caeu co Valencia CF (0-1) e Atlético de Madrid (1-2).Quique Sánchez Flores, técnico alavesista, explicou que os seus internacionais "chegaron ben. Mariano e Abde incorpóranse mañá (por hoxe). E o equipo está coa idea de recuperar niveis que tivemos antes".Cualifica o partido do Dépor como "moi importante. Os xogadores teñen moitas ganas, todos temos ganas de volver conectar coa nosa afección, volver darlles o partido que merecen. Levo imaxinando o partido durante bastante tempo e oxalá saia como o imaxino".Finalizado o choque, Os Nosos viaxan de regreso nun voo que aterra a media tarde no Aeroporto de A Coruña.O cadro de xogadores adestrarase de novo o luns 23 de novembro a partir das 10:30 no Dépor Training Center.

  • alti1120.jpg
  • amatucci1120.jpg
  • aubameyang1120.jpg
  • adama1120.jpg
  • RCD06391.jpg