O RC DEPORTIVO PARTICIPA NA HOMENAXE A FEDERICO FERNÁNDEZ AMOR-CALVET, FUNDADOR DA SALA CALVET, XERME DO CLUB

O RC Deportivo participou este domingo 1 de novembro, Día de Defuntos, na ofrenda floral celebrada no cemiterio coruñés de San Amaro en memoria de Federico Fernández Amor-Calvet, fundador da Sala Calvet, o prestixioso ximnasio situado a comezos do século XX na rúa Galera que constitúe o xerme do actual Club.O RC Deportivo estivo representado pola conselleira Marta Fernández Currás, que tomou parte neste acto de lembranza e recoñecemento a unha figura fundamental nas orixes da historia deportivista.Xunto a Federico Fernández Amor-Calvet, a ofrenda serviu tamén para render homenaxe a Manuel Curros Enríquez e María Barbeito, outras dúas personalidades destacadas da historia e da cultura coruñesas.

O acto, presidido pola alcaldesa de A Coruña, Inés Rey, e que contou coa participación musical da Coral Follas Novas, estivo marcado pola emoción e o recordo. Unha cita para manter viva a memoria de tres figuras que deixaron unha fonda pegada na cidade e na súa historia.Coa súa presenza, o RC Deportivo quixo reafirmar o seu recoñecemento a Federico Fernández Amor-Calvet e ás orixes dunha entidade cuxa historia está estreitamente ligada á de A Coruña.