"ESTAMOS FACENDO UN MOI BO GRUPO"

Olaya Rodríguez manifestou ao concluír o amigable do Dépor ABANCA ante o Athletic Club na localidade asturiana de Luanco que "foi un partido bastante competido. Este era un rival duro, de Liga F, que creo que imos estar na mesma posición na táboa. É un rival de loita, de guerra e nunca che poñen as cousas doadas".Destaca que o encontro foi "bastante completo para ser o primeiro da pretemporada. Temos ganas de seguir mellorando, de seguir traballando moito para chegar o mellor posible á liga".A centrocampista branquiazul cre que "as sensacións no equipo son moi boas. Houbo moitos cambios e estámolos afrontando con moita ilusión. Estamos facendo un equipazo, un moi bo grupo. Temos ganas de seguir mellorando, de seguir indo cara adiante".