UN DÉPOR "CON CONFIANZA POLA TRAXECTORIA QUE LEVAMOS" ABRE A 39ª XORNADA DE LALIGA HYPERMOTION ESTE VENRES 8 DE MAIO ÁS 20:30 EN CÁDIZ

O Dépor abre este venres 8 de maio ás 20:30 (LaLiga TV Hypermotion e Fútbol 2, dispoñible en DIGI TV e outras plataformas) no JP Financial Estadio (Nuevo Mirandilla) ante o Cádiz CF a 39ª xornada en LaLiga Hypermotion.Os Nosos chegan ao choque con 68 puntos na 3ª posición de LaLiga Hypermotion e "con sensacións positivas, con confianza pola traxectoria que levamos durante todo o ano", como apuntou Antonio Hidalgo na rolda de prensa oficial este mediodía no Dépor Training Center.O técnico deportivista ten a sensación de que "todos os partidos van estar igualados de aquí ao final como o foron ata agora" e lembra que "vai chegando o final e son as situacións que queriamos a principios de tempada".Causa baixa por lesión David Mella xa que "chegamos con todo o cadro de xogadores dispoñible", presumiu o preparador blanquiazul.O equipo, cos canteiráns Noé e Bil, adestrouse este xoves 7 de maio por última vez antes do partido no Dépor Training Center.O corpo técnico dispuxo unha activación, un exercicio de finalizacións, fútbol en espazo reducido e un último repaso ás accións a balón parado.Preguntado na sala de prensa por Noé, que renovou o seu contrato esta mesma semana ata 2029 con opción de ampliación, Antonio Hidalgo opina que esa noticia "fala do traballo que hai en ANOSACANTEIRA. Desde o primeiro día que cheguei e me falaron do proxecto era unha peza fundamental. Así o entendín. Hai que darlle o momento xusto aos xogadores tan novos. O que queremos cando debutan é que se poidan asentar no primeiro equipo".Recalca que tanto o futbolista santiagués como Bil "nos están dando moitísimo. Estou moi contento por Noé porque é un rapaz excepcional, que sente moitísimo o escudo, quere axudar en todo o que poida".

Pola súa banda, o Cádiz CF, que a pasada fin de semana empatou (2-2) en León, é 18º con 39 puntos.O partido da primeira volta disputado o pasado 4 de xaneiro en ABANCA-RIAZOR rematou en empate (2-2).No JP Financial Estadio esta tempada os amarelos venceron ao CD Mirandés (1-0), Albacete Balompié (2-1), SD Eibar (1-0), SD Huesca (1-0), CD Castellón (2-0) e Sporting de Gijón (3-2); empataron co AD Ceuta FC (0-0) e Real Valladolid (0-0); e caeron co Burgos CF (1-3), Cultural Leonesa (1-2), Real Racing Club (2-3), Granada CF (1-2), UD Almería (1-2), Real Sociedad B (0-2), Real Zaragoza (0-1), Málaga CF (0-3), Córdoba CF (1-3), FC Andorra (0-1) e UD Las Palmas (1-2).Consciente da importancia do choque, o club gaditano lanzou unha campaña nas súas redes sociais oficiais, apoiada tamén en exfutbolistas como Robert Navarro, Bongonda ou Lolo Plá, para que a afección encha o estadio ante o Dépor.Rematado o encontro, Os Nosos pernoctan en Cádiz e regresan o sábado 9 de maio ao mediodía en voo directo ao Aeroporto de A Coruña.