ESPE PIZARRO CONCLÚE A CONMEBOL LIGA DE NACIONES ESTE MARTES 9 DE XUÑO EN MONTEVIDEO ANTE VENEZUELA

Esperanza Pizarro está concentrada con Uruguay para os dous últimos partidos da Conmebol Liga de Naciones.Os rivais da dianteira deportivista son Colombia e Venezuela.A última cita para a futbolista do Dépor ABANCA neste torneo clasificatorio será este martes 9 de xuño (madrugada do 10 en Galicia) ante Venezuela no Estadio Centenario de Montevideo.Uruguay afronta o choque na 8ª posición da táboa con 5 puntos.Pola súa banda, Venezuela é 3ª con 11 puntos.O primeiro partido da 'celeste' celebrouse o pasado venres 5 de xuño, madrugada do sábado 6 en Galicia, ante a selección colombiana no Estadio Olímpico Pascual Guerrero de Cali.Espe Pizarro xogou completo un choque que gañou 1-0 Colombia, un equipo potente que con este resultado lidera a táboa e clasificouse directamente para o próximo Mundial.O calendario de partidos da futbolista branquiazul, cos resultados dos xa disputados, é o seguinte:Venres 5 de xuñoCOLOMBIA 1 - URUGUAY 0Martes 9 de xuño20:00 (hora local, 1:00 do mércores 10 de xuño en Galicia): URUGUAY - VENEZUELA, no Estadio Centenario de MontevideoEspe Pizarro, que acaba de renovar o seu contrato ata xuño de 2028, sumou na súa primeira temporada no Dépor ABANCA 19 partidos, 17 deles como titular, con 6 goles anotados.