INMERECIDA DERROTA POR 2-1 DO FABRIL EN GETXO ANTE O ARENAS CLUB PORQUE "NON ESTIVEMOS ACERTADOS EN ATAQUE" E "NON SOUBEMOS XOGAR OS ÚLTIMOS MINUTOS"

O Fabril perdeu inxustamente por 2-1 este domingo 8 de novembro co Arenas Club no Municipal de Fadura de Getxo, nun partido correspondente á 11ª xornada en Primera Federación.Con este resultado, o filial queda con 11 puntos na 18ª posición.Manuel Pablo subliñou que "sabiamos que o partido ía ser competido, que eles son moi correosos, que habería momentos nos que iamos sufrir pero que tamén lles podiamos facer dano. Houbo momentos para os dous pero nós tivemos moitos máis momentos, moitas máis chegadas; e ao final non estivemos acertados en ataque e non soubemos xogar estes últimos minutos nos que houbo situacións para ser contundentes en defensa. Dubidamos entre despexar ou intentar xogar".Foron baixa os lesionados Jairo, Damián Canedo, Dipanda, Vergara e Dani Estévez.Con todo, Kevin Sánchez e Noé, convocados co primeiro equipo para enfrontarse o sábado ao RCD Espanyol no RCDE Stadium, foron titulares tras viaxar a Getxo directamente desde Barcelona.O partido púxose costa arriba aos 10 minutos. Arnedo aproveita un balón rexeitado tras un saque de esquina para fusilar a Hugo Ríos.O Arenas, que chegaba tras 2 vitorias consecutivas, quería encarrilar axiña a terceira.De Kevin foi a primeira do Fabril nun bo centro de Rubén López. Salvou o porteiro local Manu Obón.Empurrou o conxunto de Manuel Pablo na procura do empate con claras ocasións de Noé, Kevin, Rubén López e Manu Ferreiro, de momento sen puntería.A igualada chegou no minuto 35 por obra de Noé de novo a pase de Rubén López. Merecido empate para un Fabril que mesmo debería ir por diante no marcador.Con 1-1 rematou a primeira metade.

Tras o paso polos vestiarios Manu Ferreiro, con algunha molestia nun adutor, deixou o seu sitio a Domínguez."Desconectámonos un pouco ao principio da segunda parte, onde tivemos varias perdas aí dentro que nos puideron custar algo", apuntou Manuel Pablo.De novo o Fabril volve manietar o seu rival e lánzase en busca dunha vitoria máis que merecida.Pero "non estivemos acertados e non soubemos xogar os últimos minutos", lamentou o preparador fabrilista.O Arenas Club poñíase por diante no minuto 83 ao cabecear Arratibel un centro desde a esquerda ao fondo da rede.Con 2-1 chegouse ao final do encontro e o equipo branquiazul volve de baleiro do País Vasco.O próximo sábado 14 de novembro ás 18:45 o Fabril recibe no campo Arsenio Iglesias ao Barakaldo CF.Arenas Club: Manu Obón, Jon Larrauri, Lekuna, Julen Zubelzu (Eneko Ebro, min. 90), Íker García, José Luis Cortés (Álex Oyón, min. 76), Arratibel, Gael Okogo (Ibón Badiola, min. 84), R. Torres (Telletxea, min. 90), Dufur e ArnedoFabril: Hugo Ríos, Manu Serrano, Quique Teijo, Samu, Xabi Campos (Íker Gil, min. 85), Rubén López, Yayo (Koke, min. 71), Guerrero, Noé (Álvaro Fraga, min. 74), Manu Ferreiro (Domínguez, min. 46) e Kevin Sánchez (Martín Ochoa, min. 71)Árbitro: Federico Javier Saiz, do comité balear. Amoestou a José Luis Cortes (min. 11), Xabi Campos (min. 45), Lekuna (min. 47) e Julen Zubelzu (min. 88)Goles: 1-0 Arnedo (min. 10); 1-1 Noé (min. 35); 2-1 Arratibel (min. 83)Incidencias: partido disputado no Municipal de Fadura