MARIO SORIANO QUERE "SEGUIR CON ESA ILUSIÓN, CON ESA AMBICIÓN, CON ESAS GANAS DE GAÑAR E DE LOITAR POLO QUE QUEREMOS"

Mario Soriano subliñou na sala de prensa do Dépor Training Center que quere "seguir con esa ilusión, con esa ambición, con esas ganas de gañar e de loitar polo que queremos".Subliña que "estamos tranquilos. Sabemos da oportunidade que temos pero hai que estar tranquilos, que esa euforia non nos leve a cousas que poidan suceder".Insiste en afrontar o encontro deste domingo 24 de maio ás 18:30 (LaLiga TV Hypermotion) ante o Real Valladolid CF "da mellor maneira, realizar o plan que teñamos. Paciencia, tranquilidade e ir a gañar, que sempre imos a iso".O centrocampista blanquiazul asegura que "pensamos en Valladolid porque é o partido que nos vén. Sabemos a oportunidade que temos, sabemos que o temos preto pero hai que pensar no domingo só, no que poida pasar".Cre necesario "botarnos a un lado do que se poida dar fóra, desa euforia, e ter toda a calma do mundo, toda a tranquilidade".Mario Soriano admite que o partido no Estadio José Zorrilla "é unha oportunidade marabillosa para o Club, para o equipo, para min, para todo o mundo, para A Coruña; e a ilusión sempre a tivemos desde que comezamos a temporada. Pasamos por moitos momentos non moi bos, por outros bos, por rachas boas. Estes últimos meses levamos 10 ou 11 partidos sen perder. O equipo competiu moi ben e a ilusión estivo en todo momento".Non obstante, advirte que o Real Valladolid "xoga na casa, coa súa xente. Non se xogan nada pero nesta categoría todo pode pasar. O outro día tampouco o FC Andorra se xogaba nada e puxo as cousas moi complicadas. Temos que afrontar o partido sen pensar en cousas doutro lado, se van estar relaxados, se non se xogan nada... Temos que facelo como sempre, como saímos todos estes partidos, facer o partido que queremos, ser dominadores, tentar facerlles dano e gañar, que é o que queremos".