UN DÉPOR ABANCA QUE "FIXO MOITAS COUSAS BEN PARA GAÑAR" ARRINCA A LIGA F CUNHA DERROTA POLA MÍNIMA ANTE O SEVILLA FC

O Dépor ABANCA estreou a súa terceira temporada consecutiva na Liga F cunha derrota (0-1) ante o Sevilla FC en ABANCA-RIAZOR este sábado 29 de agosto.Alberto Rodríguez lamentou na sala de prensa o resultado porque o seu equipo "fixo moitas cousas ben para gañar, sobre todo a partir do gol delas".As Nosas chegaban á competición oficial tras un intenso verán de movementos no cadro de xogadoras.En primeiro lugar, o equipo selou a continuidade de Espe Pizarro, Paula Novo, Merle Barth, Redru e Lucía Rivas.Alberto Rodríguez, que se estreou no banco, conta ademais coas novas fichaxes de Andrea Tarazona, Adriana Ranera, Sofía Domínguez, Lucía Pardo, Vega Montesinos, Eva Alonso, Daniela Caracas e Ainoa Gómez; ademais de Inês Pereira e Marisa García, ambas xa en propiedade despois de concluíren as súas respectivas cesións.A elas hai que sumar incorporacións con licenza do B que tamén achegarán o seu gran de area, como é o caso de Paula Hernández, Carla Castyñeiras ou Karla Bermejo.

Foron baixa Marisa e Ainoa Gómez, concentradas coa selección española sub-20 xunto a Merle Barth, con molestias nunha planta dun pé e de Millene, con molestias musculares.

Ante o Sevilla FC Tarazona foi a gardameta titular, con Eva Alonso e Paula Hernández aos mandos do centro do campo. Lucía Pardo converteuse na referencia ofensiva, acompañada pola esquerda por Espe Pizarro.Pola súa banda, o Sevilla FC rematou a temporada pasada na 8ª posición con 41 puntos.Saíu moi ben ao terreo de xogo o conxunto hispalense, que conservou o mesmo bloque das últimas temporadas.O primeiro disparo a porta, aos 2 minutos, foi andaluz. Raquel recibe un balón no segundo pau, pero o seu remate acaba nas mans de Tarazona.Pouco despois, Barrios remata alto na área pequena nunha posición algo forzada.Insistía máis o conxunto sevillista, que se adiantou aos 13 minutos grazas a un remate de cabeza de Kanteh tras un centro lateral desde a banda dereita."Tardamos eses 15, 20 minutos e iso na elite castígate. É a aprendizaxe que temos que meter na mochila", apuntou o técnico do Dépor ABANCA.O primeiro remate deportivista, aos 22 minutos, correu a cargo de Espe Pizarro. Intentou unha volea nunha posición moi forzada tras un centro de Caracas e o balón marchou alto.As Nosas foron entrando no partido.Lucía Pardo, aos 24 minutos, recolle un rexeitamento da defensa sevillista, pero a súa volea marcha lixeiramente alta.Olaya tivo o empate nas súas botas na recta final. Plantouse soa ante Esther Sullastres, pero a porteira sevillista sacou o seu disparo cunha gran parada.Chegouse ao descanso co 0-1.Tras o paso polos vestiarios, Michi Apóstol substituíu a Lucía Rivas, pero o Sevilla FC volveu saír forte.Gemma dispara ao longueiro un balón imposible para Tarazona.Respondeu o Dépor ABANCA cun man a man de Michi Apóstol no minuto 58 que volveu gañar Esther Sullastres."Cos axustes que fixemos puidemos atopar os espazos que queriamos", apuntou o preparador blanquiazul.O partido estaba aberto na recta final.As Nosas lanzáronse a polo empate coa entrada de Vega, Redru, Eva Dios e Paula Novo; e por momentos encerraron o Sevilla FC na súa área, aínda que sen ocasións claras."Quizais polas présas faltounos esa precisión no último pase. En liñas xerais creo que o partido foi bo. Mágoa deses 15 minutos nos que nos custou entrar e que nos custaron o partido", concluíu Alberto Rodríguez.Deportivo ABANCA: Tarazona, Caracas, Ranera (Paula Novo, min. 88), Elena, Monteagudo (Vega, min. 75), Eva Alonso (Eva Dios, min. 88), Paula Hernández (Redru, min. 75), Olaya, Lucía Rivas (Michi Apóstol, min. 46), Lucía Pardo e Espe PizarroSevilla FC: Sullastres, Raquel, Kanteh (Andrea, min. 60), Cortés (Alicia, min. 80), Iris Arnáiz, Laura Pérez (Sandra Castellón, min. 73), Rosa, Gemma (C. Blanco, min. 73), Marqués, Alba López e Barrios (Esther, min. 60)Árbitra: Elena Peláez, do comité castelán-leonés. Amoestou a Esther (min. 76)Goles: 0-1 Kanteh (min. 13)Incidencias: partido disputado en ABANCA-RIAZOR ante 727 afeccionados