RCDeportivo RCDeportivo RCDeportivo
Skip to main content
GL
PORTADA

Mamadou Koné, Xogador Estrella Galicia de outubro no Dépor

O centrocampista costamarfileño do Real Club Deportivo, Mamadou Koné, foi elixido polos seguidores do Dépor como o Xogador Estrella Galicia do equipo no mes de outubro. Autor de 3 goles no que vai de temporada, o futbolista foi avaliado polos deportivistas nos partidos ante Almería, Las Palmas, Málaga e Racing de Santander.

Formaron a terna de finalistas, elixida os xornalistas que cobren a actualidade do Club, Álex Bergantiños (por segundo mes consecutivo) e Salva Ruiz. O lateral acumulou o 13% dos votos, por un 33% do capitán e un 54% do gañador, dun total de 2.734 opinións. Koné toma deste xeito a testemuña de Víctor Mollejo como xogador Estrella Galicia esta temporada.

A entrega tivo lugar esta mañá na Cidade Deportiva de Abegondo de mans de Rafael Varela Lista, responsable do bar Chaflán, sede ademais dunha destacada peña deportivista na que, desde hoxe, lucirá a camiseta asinada polo cadro do Dépor que lle entregou o propio Koné en recoñecemento como hostaleiros máis destacados do pasado mes.