O RC Deportivo sortea hoxe luns as 516 entradas para o partido do domingo 2 de marzo ás 16:15 no Estadio Carlos Tartiere ante o Real Oviedo, correspondente á 29ª xornada de LaLiga Hypermotion.
A continuación o Club porase en contacto vía correo electrónico cos agraciados.
O equipo ovetense puxo a disposición do RC Deportivo un total de 860 entradas, das cales o 40% están xestionadas e vendidas pola Federación de Peñas (344), e o resto a través do Club (516).
As localidades teñen un prezo de 20 euros e quedan limitadas a 2 por socio.
No caso de que algún abonado non confirme a súa compra e queden entradas dispoñibles, o mércores 26 poránse á venda esas entradas liberadas na Oficina de Atención ao Deportivista (OAD), en horario de 10:00 a 13:30 e de 16:30 a 19:00.
Será obrigatorio presentar o abono e o DNI dos asistentes; e un deles debe ser o titular do abono.
