A selección española, con Elena Vázquez hoxe no banco, arrincou o campionato de Europa sub-17 con triunfo ante Alemaña
Elena Vázquez representa a #ANOSACANTEIRA no campionato de Europa sub-17 que se celebra estes días en Estonia.
A defensora deportivista ten como rivais na fase de grupos a Alemaña, Suíza e a anfitrioa Estonia.
O torneo arrincou para a selección española hoxe domingo no Estadio Kadriorg precisamente ante a selección xermana, á que xa derrotou (4-0) na Cidade do Fútbol nun amigable o pasado 12 de xaneiro.
Hoxe, xa en competición oficial, as españolas volveron vencer (0-2) con dobrete de Vicky López. Nesta ocasión, Elena Vázquez seguiu o partido no banco e non chegou a saltar ao terreo de xogo.
A próxima cita para a canteirá branquiazul e as súas compañeiras será o mércores 17 de maio ás 19:00 (hora local, 18:00 en España) ante Suíza.
O calendario da Primeira Fase de España, cos resultados dos xa xogados, é o seguinte:
Domingo 14 de maio ALEMAÑA 0 - ESPAÑA 2
Mércores 17 de maio 19:00 (hora local, 18:00 na península): ESPAÑA - SUÍZA, no Estadio Lilleküla (Tallin)
Sábado 20 de maio 17:00 (hora local, 16:00 na península): ESPAÑA - ESTONIA, no Estadio Lilleküla (Tallin)
Os dous primeiros de grupo pasan a semifinais, que se xogarán o 23 de maio.
Elena Vázquez causou baixa por este motivo no último partido de liga do seu equipo, o Deportivo ABANCA B, hoxe en Santiago ante o Victoria FC.
Con 15 anos e con ficha do Orzán SD Cadete de Liga Galega, Elena Vázquez gañouse unha praza de titular no Dépor ABANCA B e xa debutou nun amigable co Dépor ABANCA de Primera Federación Iberdrola.