Explicou en primeiro lugar a convocatoria, integrada nesta ocasión por 20 futbolistas: "Ao ser unha viaxe curta prefiro que viaxemos algún máis, por se hai algún problema de última hora ou algún xogador que temos tocado. Xa decidiremos mañá en base ás sensacións".
Asegura que nesta semana previa a #ONosoDerbi de mañá domingo 23 de outubro en Balaídos (12.00 horas, Bein Sports), "adestramos moi ben. Todos sabemos que hai tres puntos. En canto a puntuación é un partido normal, pero as connotacións deste partido son algo máis que tres puntos. Somos conscientes diso e da importancia do partido".
Non cre Garitano que ao Celta lle vaia a afectar xogar a Europa League: "O equipo que salga seguro que será un equipo novo. Non terá nada que ver co partido do xoves pasado".
Subliña que marcar fóra de casa "é unha necesidade, non unha obsesión. Non marcamos fóra de casa e necesitamos marcar. Ben é certo que do catro partidos, dous foron en dous estadios (Calderón e Camp Nou) que normalmente marcar aí é difícil, non só para nós senón tamén para o resto dos equipos".
Para Garitano, o Deportivo "deberá mellorar fóra de casa ofensivamente, sobre todo para poder estar preto do gol e gañar. Sabemos en que temos que mellorar. Toda a semana estivemos traballando iso e oxalá mañá véxanse os resultados".
Tivo palabras para a afección deportivista, que mañá domingo arroupará ao equipo branquiazul en Vigo: "Nós á afección témoslle que dar, pedirlle nada, porque estamos encantados. O outro día contra o Sporting leváronnos polo aire o últimos vinte minutos a gañar o partido. Estamos a desexar gañar mañá polo tres puntos pero persoalmente por ver á xente da Coruña contenta, por eses que che atopas na rúa, que sabes que van pasar un bo domingo. Van estar contentos se gañamos, vai haber ilusión. O equipo quere dar, iso é o máis importante".
