Manuel Pablo: O Deportivo é un Club referente en Primeira División

-¿Un día como hoxe fai dez anos estabas moi nervioso?
-Non estabamos nerviosos. É máis, empatamos a xornada anterior en Santander e case o celebramos alí.

-E como recentemente chegado ao Club, supoño que impresionado co ambiente previo a eses días.
-Era o meu segundo ano no Deportivo. Acórdome de que a cidade, os balcóns... todos se estaban preparando para o que veu, unha gran festa.

-¿Como valoras este título ligueiro?
-Eu creo que a liga é moi difícil gañala. Máis alcanzable é a Copa, que son menos partidos e se tes un bo sorteo pódesche plantar na final. Aínda que nós a última foi moi complicada porque estaba preparada a festa para o Real Madrid.

-E esta tempada, houbo moita desigualdade na liga.
-Foi igualada pero só para dous. Pero entre eles e os demais houbo demasiada diferenza. Na que gañamos había un grupiño de equipos aí arriba.

-¿Crees que o Deportivo volverá ter outra oportunidade?
-Creo que si, que volveremos estar arriba. O Deportivo asentouse en Primeira e somos un equipo referente na categoría. Levamos 20 anos e nunca pasamos apuros. É máis, no global sempre estivemos entre o dez primeiros.

-¿Que balances fas da tempada?
-Pois ilusionamos á xente no primeiro tramo. E ao final sobráronnos os dous últimos meses. Lastráronnos moito lesións de xogadores importantes. Perdemos potencial e notouse.

-¿E a nivel persoal?
-Moi contento. Salvo algún problemilla, xoguei toda a tempada sen lesións.

-¿Vesche, como Valerón, como Asesor ao acabar a túa carreira?
-O único que penso é no ano que vén e logo, en gañarme xogar outra tempada. E logo outra. E outra. De momento penso como futbolista.