O Dépor saltou ao céspede con tres centrais para afrontar este partido de ida de dezaseisavos de final. Lopo, Diakité e Manuel Pablo formaron de inicio no centro da zaga. As bandas foron para Laure e Canella, dous laterais de amplo percorrido, esixencia deste sistema. Así o demostraron durante o partido. Álex e Juan Domínguez formaron a parella de mediocentros, básica no Dépor das marcas en Segunda aínda que pouco frecuente co equipo en Primeira. Arriba, Conca, Juan Carlos e Toché son os encargados de levar perigo á meta de Ochoa.
Pronto se adiantou o Málaga no marcador. Corría o minuto 10, Luís Alberto lanzou unha falta ao corazón da área e Camacho, entrando desde atrás libre de marca, bateu de cabeza a Lux. Era o primeiro achegamento do conxunto andaluz.
Pese ao mazazo o Deportivo seguiu facendo un xogo alegre que aos poucos empezou a transformarse en oportunidades. A primeira gran ocasión do Dépor chegou no minuto 22 cun disparo cruzado de Cuenca, tras xogada persoal, que atallou ben Ochoa. Un despois, o colexiado anulou un gol a Diakité nunha acción na que o fóra de xogo non é claro e o central franco-italiano acabou enviando á rede un pase involuntario de Toché, que non acertou co remate.
O Dépor fíxose dono e señor do xogo a medida que pasaron os minutos. Iso si, Luís Alberto puido lograr o segundo nunha contra que el mesmo creou. O seu disparo desde a frontal desviouno nunha gran parada Lux.
No outro área, Toché, despois de recibir un gran pase interior de Álex, puido lograr a igualada. O seu remate forzado desviouno co corpo Ochoa. Ao descanso chegouse cun inxusto 0-1, a tenor dos méritos duns e outros.
Arrincou o segundo tempo coa mesma tónica que o primeiro. Puido marcar Toché pero o seu man a man desbarátao Ochoa co corpo. Pouco despois, gran pase de Diakité en profundidade a Juan Domínguez, que gañou liña de fondo pero o seu disparo, con pouco ángulo, repeleuno Ochoa. Toché non chegou por moi pouco a ese rexeite.
O Málaga achegábase pouco, pero sempre con perigo. Rescaldani aproveita unha mala saída de balón para plantarse ante Lux, que repele o disparo do malagueño.
No outro área, Álex, en ferro no segundo pau, estivo a piques de marcar un bo centro de Juan Carlos desde a banda esquerda. O esférico marchouse lixeiramente desviado.
O máis que merecido empate chegou nos minutos de asedio deportivista á meta de Ochoa. Diakité prolongou un balón mal despexado pola zaga andaluza e Toché adiántase ao porteiro andaluz para lograr a igualada. Xusto premio para o Dépor e para o murciano.
Seguiu apertando os dentes o Dépor, que entraba por ambas as bandas. José Rodríguez, pola dereita, enviou ás nubes un disparo nun balón que quedou morto. O Dépor seguiuno tentando ata o final nun partido que non esquecerá Marcos Remeseiro, que debutou en partido oficial co primeiro equipo.
RC Deportivo: Lux, Laure (Remeseiro, min. 65), Lopo, Diakité, Manuel Pablo, Juan Domínguez, Álex Bergantiños, Conca (Postiga, min. 81), Juan Carlos (José Rodríguez, min. 65), Canella e Toché.
Málaga CF: Ochoa, Rosales, Angeleri, Weligton, Boka, Camacho, Juanpi (Recio, min. 69), Samuel (Castillejo, min. 60), Luís Alberto (Portillo, min. 79), Horta e Rescaldani.
Árbitro: Mateu Lahoz, do Colexio Valenciano. Amoestou a Angeleri (min. 43), Rosales (min. 50), Diakité (min. 56), Toché (min. 76)
Goles: 0-1, m. 10: Camacho; 1-1 Toché (min. 68).
Incidencias: partido de ida dos dezaseisavos de final da Copa do Rei disputado en Riazor ante 9.988 espectadores.
