O RC Deportivo estrea unha maneira máis de achegarse ao deportivismo, a través dunha newsletter semanal.
A newsletter enviarase todos os venres e para subscribirse hai que darse de alta nesta ligazón: rcdeportivo.es/newsletter
Desde o pasado venres, o RC Deportivo envía aos subscritores unha newsletter con información do ocorrido durante a semana, como novidades e ofertas nas DéporTiendas, actividades da Fundación RC Deportivo, prezos de entradas... e do que se aveciña de cara ao sábado e o domingo, cos horarios de todos os partidos dos 18 equipos deportivistas que xogan con regularidade, desde o Dépor até o Orzán SD Infantil Feminino.
Esta iniciativa súmase ás últimas novidades nas redes sociais do Club, coa creación de perfís exclusivos do Dépor ABANCA e de #ANOSACANTEIRA tanto en Twitter como en Instagram. Todo iso, enmarcardo no plan de melloras das canles de comunicación que xa anticipou Álvaro García Diéguez durante a súa primeira comparecencia como Presidente do RC Deportivo o pasado 17 de xullo.
