A Federación Galega de Fútbol confirmou o modelo de competición da División de Honra Cadete, con representación deportivista.
Superada a pandemia de COVID, a liga recupera o formato tradicional de grupo único de 20 equipos, todos contra todos a dobre volta. Os clubs que conforman a categoría, ademais do Cadete branquiazul, son os seguintes: RC Celta, CD Lugo, ED Val Miñor, San Tirso SD, ED Conxo Santiago, Pontevedra CF, Victoria CF, CD Areosa, Pabellón Ourense CF, Racing de Ferrol, Coruxo FC, AJ Lérez, Ural Español CF, Arosa SC, Rápido de Bouzas, ED Xuventude de Oroso, Viveiro CF, CD Choco e Bergantiños CF.
O primeiro clasificado será o campión xa que non haberá eliminatorias polo título mentres que os cinco últimos equipos perderán a categoría.
A competición ligueira arranca a fin de semana do 10 e 11 de setembro; mentres que o Cadete inicia a pretemporada o vindeiro martes 2 de agosto en Abegondo.
