Tres equipos de #ANOSACANTEIRA teñen cita de preparación ao longo desta semana.
O primeiro deles en entrar en xogo será o Fabril, que se mide mañá mércores 3 de agosto ao Silva SD no campo 4 de Abegondo a partir das 19:30 na súa primeira cita do verán.
O filial deportivista incorporou nas súas filas a Iñaki Leonardo (Ferrol, A Coruña, 16 de agosto de 2001) un extremo ou mediapunta que a temporada pasada xogou co CSD Arzúa pero que xa militou en #ANOSACANTEIRA como xuvenil.
Óscar Gilsanz citou a todo o seu cadro, aínda que non poderá contar con Davo, lesionado; nin con Jairo, Brais Val, Martín Ochoa, Tim Caroutas, Marcel, Ángel Puerto, Mella e Yeremay, citados para o amigable do primeiro equipo en Vilalba ante a SD Ponferradina tamén mañá mércores.
Pola súa banda, CSD Arzúa de Tercera RFEF e SD Valdoviño de Primeira Autonómica serán os rivais respectivamente de Xuvenil A e B o venres e o domingo.
O calendario de partidos amigables desta semana é o seguinte:
Terceira RFEF
FABRIL - SILVA SD, mañá mércores 3 de agosto ás 19:30 en Abegondo (campo 4)
FABRIL - SD ARENTEIRO, o sábado 6 de agosto ás 11:00 en Abegondo (campo 4)
Categoría xuvenil
XUVENIL A - CSD ARZÚA (Tercera RFEF), o venres 5 de agosto ás 20:00 horas en Abegondo
SD VALDOVIÑO (Primeira Aut.) - XUVENIL B, o domingo 7 de agosto ás 19:00 no campo de fútbol de Mourente
