Esta fin de semana arrancan a competición oficial, ademais dos dous equipos infantís, o Deportivo ABANCA B (Primeira Autonómica), Cadete B (Liga Galega), Xuvenil B (Liga Nacional) e Cadete A (División de Honra).
Estes 2 últimos farano en Abegondo: o Xuvenil B mañá venres 7 (18:00) ante o Orillamar; e o Cadete A o domingo 9 (11:00) fronte ao Ural. Para estes dous choques, os socios teñen entrada gratuíta. O público paga 3 euros por entrada.
O pasado mércores, os dous equipos infantís arrancaron a temporada ligueira con triunfo.
O Infantil A adiantou o seu partido da primeira xornada no grupo 1º da Liga Galega debido á súa participación desde mañá venres no Trofeo Internacional Arnedo Ciudad del Calzado, na citada localidade rioxana. O choque foi de clara cor branquiazul (0-9) ante o Calasanz.
Tamén o Infantil B xogou o pasado mércores, neste caso en partido correspondente á xornada disputada a pasada fin de semana, a 1ª do grupo 1º de Primeira Autonómica. Os deportivistas sumaron os seus 3 primeiros puntos á conta do Santa María del Mar (3-6).
En Segunda División B, a Fabril visita a outro dos 'galos' da categoría, o Fuenlabrada, que se presenta ao choque após caer en Guijuelo a pasada fin de semana. O encontro está fixado para o domingo 9 ás 12:00 no Estadio Fernando Torres.
O filial deportivista quere recuperar terreo na clasificación despois de que 2 detalles nos 2 primeiros partidos priváronlle de sumar polo menos 3 puntos máis do punto que ten actualmente.
Finalmente, a visita do Xuvenil A ao Oviedo, en partido correspondente á 2ª xornada da División de Honra, será retransmitido en directo por Gol o domingo 9 a partir das 17:30 horas.
O calendario de partidos, cos resultados dos xa xogados, é o seguinte:
Segunda División B
3ª xornada: FUENLABRADA - FABRIL, o domingo 9 de setembro ás 12:00 no Estadio Fernando Torres (Fuenlabrada)
Categoría feminina
Primeira Autonómica, 1ª xornada: SD ANTAS - DEPORTIVO ABANCA B, o domingo 9 de setembro ás 18:00 horas no Municipal Castro Seoane (Antas de Ulla)
Categoría xuvenil
División de Honra, 2ª xornada: OVIEDO - XUVENIL A, o domingo 9 de setembro ás 17:30 en El Requexón
Liga Nacional, 1ª xornada: XUVENIL B - ORILLAMAR SD, mañá venres 7 de setembro ás 18:00 en Abegondo (campo 3)
Categoría cadete
División de Honra, 1ª xornada: CADETE A - URAL, o domingo 9 de setembro ás 12:00 en Abegondo (campo 5)
Liga Galega, grupo norte, 1ª xornada: CALASANZ B - CADETE B, o sábado 8 de setembro ás 20:00 horas en San Pedro de Visma (campo 1)
Categoría infantil
Liga Galega, grupo norte, 1ª xornada: CALASANZ 0 - INFANTIL A 9 (Mella -4-, Domínguez -3- e Carlos -2-)
Primeira Autonómica, grupo 1º, 1ª xornada: SANTA MARÍA DEL MAR 3 - INFANTIL B 6 (Eli, Bruno -2-, Mardones, Óscar e Hodei)
