Carles Gil foi sometido hoxe luns a unha resonancia magnética no Hospital HM Modelo para ditaminar o alcance exacto das molestias musculares sufridas o pasado venres na súa perna esquerda, no transcurso dun adestramento en Abegondo.
Os Servizos Médicos do RC Deportivo diagnosticáronlle unha lesión muscular de grao 1 no bíceps femoral esquerdo. Carles Gil estará uns días con tratamento médico e de fisioterapia. A continuación, e segundo a súa evolución, iniciará o seu proceso de readaptación física, paso previo ao seu regreso aos adestramentos co grupo.