O Xuvenil B estreouse nesta pretemporada hoxe domingo cun amigable en Valdoviño ante o conxunto local de Primeira Autonómica.
O triunfo foi deportivista (0-2), grazas aos goles de Héctor e Rubén.
Miguel Figueira, técnico do Xuvenil B, repartiu minutos entre todos os seus futbolistas.
Foi o último partido da fin de semana en #ANOSACANTEIRA.
Onte sábado, o Fabril disputou en Abegondo ante o CD Arenteiro de Segunda RFEF o seu segundo exame de pretemporada, esta vez coas ausencias de Brais Val, Jairo, Ángel Puerto, Yeremay, Mella, Tim Caroutas e Marcel, citados polo primeiro equipo para o partido en Viveiro ante o Real Madrid Castilla; e de Davo e Martín Ochoa, lesionados.
Óscar Gilsanz aliñou un once distinto en cada tempo. O resultado, o de menos en pretemporada, caeu ao lado ourensán (1-2). Nájera foi o autor do único tanto fabrilista.
Finalmente, o Xuvenil A abriu o pasado venres en Abegondo con empate (2-2) ante o CSD Arzúa de Terceira RFEF o calendario previsto para esta fin de semana.
Hugo Baldomar e Ogando foron os autores do goles deportivistas nun test con minutos para todos os convocados.
Os resultados foron os seguintes:
Terceira RFEF
FABRIL 2 (Padín e Iván) - SILVA SD 0
FABRIL 1 (Nájera) - CD ARENTEIRO, de Segunda RFEF 2
Categoría xuvenil
XUVENIL A 2 (Hugo Baldomar e Ogando) - CSD ARZÚA, de Terceira RFEF 2
SD VALDOVIÑO, de Primeira Aut. 0 - XUVENIL B 2 (Héctor e Rubén)
