Teresa e Malena buscan mañá luns a medalla de ouro no Europeo sub-19
As xogadoras do Deportivo ABANCA Malena Mieres e Teresa Abelleira defenden mañá luns 30 de xullo ante Alemaña (18:15 en Biel/Bienne, Suíza), o título de campioas de Europa sub-19.
Esta gran final poderase seguir en directo por Streaming en UEFA.com/UEFA.tv (YouTube)
Teresa foi a gran protagonista o pasado venres 27 de xullo da semifinal fronte a Dinamarca, no estadio de Biel/Bienne.
A centrocampista branquiazul anotou no minuto 68 de impresionante disparo o tanto da vitoria (1-0) que derrotaba a unha potencia mundial como Dinamarca e que levaba a España á súa quinta final consecutiva, unha marca no mundo do deporte.
A gardameta deportivista Malena, titular fronte a Francia no partido decisivo da Fase de Grupos, esta vez non saltou ao terreo de xogo.
Nesa Fase de Grupos, Teresa foi titular nos 3 choques e xogou completos os encontros ante Noruega e Suíza, nos que Malena agardou a súa quenda no banco.
O calendario do equipo español, cos resultados dos partidos xa xogados, é o seguinte:
Fase de Grupos
Mércores 18 de xullo ESPAÑA 0 - NORUEGA 2
Sábado 21 de xullo SUÍZA 0 - ESPAÑA 2
Martes 24 de xullo FRANCIA 1 - ESPAÑA 2
Venres 27 de xullo Semifinal ESPAÑA 1 - DINAMARCA 0
Luns 30 de xullo Final 18:15: ESPAÑA - ALEMAÑA, en Biel/Bienne