RCDeportivo RCDeportivo RCDeportivo
Skip to main content
GL
ACTUALIDADE

Un amigable e a visita do perigoso CD Monte, na axenda semanal do Deportivo ABANCA

Un amigable mañá martes en Abegondo e a visita ligueira a Arteixo do CD Monte, en partido correspondente á 21ª xornada no grupo 1º de Segunda División Nacional, están na axenda semanal do Deportivo ABANCA.

Así, mañá martes 6 de marzo, o equipo deportivista mídese ao Liceo de Monelos (xuvenil masculino) nun partido de adestramento que se xogará no campo 5 da Cidade Deportiva a partir das 20:30 horas.

E o domingo 11, o Deportivo ABANCA recibe ao CD Monte, agora mesmo terceiro na clasificación tralo Oviedo Moderno. Un duro escollo neste tramo decisivo da competición ligueira.

Os socios deportivistas teñen libre acceso ao recinto arteixán. Para o público, a entrada sénior custa 10 euros e 3 euros para os menores de 16 anos.

A planificación semanal de adestramentos é a seguinte:

Luns 5 de marzo
20:30: Adestramento de recuperación en Termaria - Casa de Agua da Coruña

Martes 6 de marzo
20:30: Deportivo ABANCA - Liceo de Monelos (xuvenil masculino), na Cidade Deportiva de Abegondo (campo 5)

Mércores 7 de marzo
20:00: Adestramento en Abegondo

Xoves 8 de marzo
20:30: Adestramento en Ponte dos Brozos (Arteixo)

Venres 9 de marzo
19:00: Adestramento en Abegondo

Domingo 11 de marzo
16:30: Deportivo ABANCA - CD Monte, en Ponte dos Brozos (Arteixo)

O equipo branquiazul é líder do grupo 1º de Segunda División Nacional con 58 puntos, con 1 punto de vantaxe sobre o Oviedo Moderno, que ten 57.