O Deportivo non estará só no seu partido de mañá no estadio Santiago Bernabéu. Como sempre que xoga lonxe de Riazor, o equipo deportivista contará co apoio na bancada dos seus seareiros, a nosa forza, neste caso 300 que ocuparán as posicións máis elevadas do coliseo madridista.
Parte dos 300 deportivistas que estarán en Madrid son ademais membros dalgunha agrupación do Dépor. Un total de 11 peñas contarán con representación no Santiago Bernabéu: Al Sur de Riazor, Caramuxo, Centenariazo, Chaflán, Chamberí Branquiazul, Cheka, Manuel Pablo, O Previo, Rías Baixas, Rouba Risons e Verín Pablo Amo.
