En xullo do ano 2007, Lafita é cedido polo Zaragoza ao Deportivo. O futbolista é comprado finalmente polo Dépor aínda que cunha opción de recompra do club maño. Dita opción debería ser executada antes do 30 de xuño de 2009, nese caso abonaría o Zaragoza 3 millóns de euros máis IVE; ou ben antes do 30 de xuño de 2010, co que xa ascendería a cantidade a pagar a 3,5 millóns de euros máis o IVE. En caso de non abonar cantidade algunha, o futbolista pasaría a ser propiedade exclusiva do Dépor. O 29 de xuño do 2009, o Zaragoza comunica a opción de recompra ao Deportivo sen abonar a cantidade pactada, que sería de 2 millóns de euros en man e o resto no prazo dun ano desde o momento en que se exercitase a recompra.
O 31 de agosto de 2010, o Zaragoza depositou na LFP un cheque con 2 millóns de euros como pago do primeiro prazo por Lafita. O Deportivo decidiu levar o asunto aos tribunais, que finalmente outorgaron a razón ao club branquiazul.
