David Mella e Kevin Sánchez concentráronse hoxe luns en Madrid coa selección española sub-19 para disputar o Mini Torneo Fase Elite que ten lugar en Eslovenia.
Ambos os canteiráns foron titulares esta pasada fin de semana co Dépor e o Fabril respectivamente. Kevin ademais anotou o gol que supuxo o triunfo para o equipo que prepara Óscar Gilsanz ante a RS Gimnástica de Torrelavega.
Os rivais de España no torneo son Eslovenia, Kósovo e Austria.
O calendario da selección española sub-19 é o seguinte:
Mércores 20 de marzo 16:00: ESPAÑA - ESLOVENIA, no Sportni Park Lendava (Lendava)
Sábado 23 de marzo 16:00: ESPAÑA - KÓSOVO, no TSC Trate Gornja Radgona (Gornja Radgona)
Martes 26 de marzo 12:00: AUSTRIA - ESPAÑA, no TSC Trate Gornja Radgona (Gornja Radgona)
Ambos os xogadores regresarán á Coruña ao longo do mércores 27 de marzo. Así pois, serán baixa no partido do Dépor en Majadahonda e o do Fabril en Valladolid do próximo sábado 23.