Laure, Antonio Tomás e Lassad, baixas do adestramento do Deportivo esta tarde
O adestramento vespertino do Deportivo celebrado no Mundo do Fútbol, unha vez que o persoal regresó da localidade coruñesa de Redes do enterro da nai de Juan Ángel Barros, tivo tres baixas por lesión:
Laure sufriu pola mañá unha escordadura do ligamento lateral interno do seu xeonllo esquerdo. Pola tarde fixo bicicleta e tratamento de fisioterapia. Antonio Tomás tívose que marchar de volta ao seu domicilio cun cadro de gastroenterite. Por fin, Lassad quedou no ximnasio tras sufrir no adestro matinal un golpe nun nocello. Urreta xa estivo esta tarde en Abegondo, aínda que só no ximnasio. O internacional uruguaio non chegou a saltar ao céspede por recomendación dos Servizos Médicos. Continúan adestrando tamén á marxe do grupo Riki, Gardado e Míchel.
Pola mañá, en rolda de prensa, Dani Aranzubía manifestou que é "especial" volver a San Mamés. O do próximo domingo, de confirmarse a súa titularidade, será o seu segundo partido co Dépor na Catedral, posto que a tempada pasada foi Manu o que defendeu a meta branquiazul. Cre que o Athletic sairá a gañar sen pensar no partido de Copa ante o Barcelona: "Están con ese partido aí pero eu creo que non lles vai a afectar contra nós".
Mañá xoves, o adestramento do primeiro equipo será no Mundo do Fútbol ás 11.00 horas.
