Luisinho pide en Almería ''estar concentrados do primeiro ao último minuto''
Luisinho confesó esta tarde en rolda de prensa que o vestiario "está triste pola derrota. Sabíamos que era un partido importante para nós. Pero agora é pasado e hai que pensar no partido do Almería".
Insiste que "temos un partido difícil en Almería. O Celta é pasado, queriamos gañar e non o conseguimos. Agora a pensar xa nos próximos partidos".
Asegura que o choque deste sábado 28 de febreiro (20.00 horas, Gol T e Canle + Liga) no Estadio dos Xogos do Mediterráneo "non é unha final. É un partido difícil. Sabemos que necesitamos puntos. Pero unha final non é. Queda moita liga por diante. Afrontámolo como un partido difícil, pero só iso".
Precisamente coa mirada cara á o futuro, Luisinho subliña que "temos unha liga longa e bastante competitiva. Iso esperámolo. Sabemos que temos que conseguir o máximo de puntos. Eses partidos (Almería, Córdoba, Levante e Elxe) poden ser importantes. Nós somos conscientes. Agora é mellor ir partido a partido, non estar desesperados porque se non conseguimos nada aínda temos moita liga por diante".
Lembra que na primeira volta ante o Almería "merecemos gañar. Tivemos bastantes oportunidades e non o conseguimos. Eles marcaron na última xogada do partido. O equipo está mellor. Non é o equipo da primeira volta que xogou co Almería. Sabemos que é un partido bastante difícil e temos que estar concentrados do primeiro ao último minuto. O obxectivo pasa por gañar en Almería".
