A dianteira do Deportivo ABANCA Nuria Rábano está concentrada coa selección española sub-20, na Copa do Mundo da categoría, que se celebra na Bretaña francesa.
Mañá xoves 16 de agosto, ás 16:00 horas no estadio Guy-Piriou (Concarneau), España mídese a Nixeria en cuartos de final.
O combinado nacional xogouse o pase o pasado luns ante Estados Unidos, no estadio Clos Gastel (Dinan/Léhon).
O combinado nacional meteuse na seguinte fase como primeiro de grupo ao empatar (2-2) coas norteamericanas, que por primeira vez na historia quedan fóra na primeira rolda dunha competición que venceron en tres ocasións (2002, 2008 e 2012).
Tralo descanso dese encontro, Pedro López, técnico español, fixo debutar á deportivista Nuria, que no minuto 59 saltou ao céspede en substitución de Lucía García.
Nos outros dous partidos da Primeira Fase, o combinado nacional superou (1-0) a Xapón e goleou a Paraguai (1-4). En ambos os encontros, Nuria Rábano seguiu o choque desde o banco e non chegou a saltar ao terreo de xogo.
O calendario de España no grupo C, cos resultados dos partidos xa xogados, é o seguinte:
Luns 6 de agosto PARAGUAI 1 - ESPAÑA 4
Xoves 9 de agosto ESPAÑA 1 - XAPÓN 0
Luns 13 de agosto ESPAÑA 2 - ESTADOS UNIDOS 2
Cuartos de final Xoves 16 de agosto 16:00: ESPAÑA - NIXERIA, no estadio Guy-Piriou (Concarneau)