Nuria Rábano, futbolista do Deportivo ABANCA, será galardoada na súa terra natal, Ames, este luns 4 de setembro.
O acto, que terá lugar na sede do concello a partir das 17:00 horas, servirá para homenaxear a traxectoria deportiva de Nuria, natural da localidade de Milladoiro, no citado concello, que se acaba de proclamar con España campioa de Europa Sub-19.
Será así un novo recoñecemento a esta nova promesa do fútbol galego, que se recupera dunha escordadura de nocello que sufriu precisamente ante Alemaña nun dos partidos da Fase Final do Campionato de Europa.
