O Cadete branquiazul participa esta semana nun Torneo Internacional no Algarve (Portugal)
O Cadete branquiazul, campión do subgrupo A da División de Honra a falta de dúas xornadas, participa esta próxima fin de semana nun Torneo Internacional no Algarve, que se xogará nas localidades lusas de Albufeira e Silves.
O equipo que prepara Darío Cotelo quedou encadrado na Primeira Fase no grupo B con estes rivais: ISR e Football Ambitions (Países Baixos), Sporting CP (Portugal), KS Górnik Zabrze (Polonia), Vasalunds IF (Suecia) e KRC Genk (Bélxica).
O calendario de partidos do Cadete, todos de 35 minutos de duración, é o seguinte:
Venres 11 de marzo 10:00: ISR - CADETE, en Silves 14:00: CADETE - SPORTING CP, en Silves 16:15: CADETE - KS GÓRNIK ZABRZE
Sábado 12 de marzo 10:45: VASALUNDS IF - CADETE, en Albufeira 13:00: CADETE - KRC GENK, en Albufeira 16:00: FOOTBALL AMBITIONS - CADETE, en Albufeira
O domingo 13 xogarase a Fase Final en Albufeira segundo clasificación na Primeira Fase. Así, os dous primeiros do grupo xogarán a Fase polo Título; o terceiro e o cuarto pelexarán polas posicións quinta á oitava; o quinto pola posición novena e décima; o sexto pola undécima e duodécima posición; e o sétimo pola décimo terceira ou décimo cuarta praza.
Debido a este torneo, o encontro da fin de semana correspondente á 21ª xornada de liga do Cadete ante o CD Lugo en Abegondo xogarase o martes 15 de marzo ás 18:30.