O cadete deportivista José Rey debuta mañá mércores 23 ás 11:00 ante Estados Unidos coa selección española sub-16 no Estadio Olimpic Camilo Cano de La Nucía, con motivo da 1ª xornada do Torneo Internacional Albir Garden. Esta competición amigable celébrase até o domingo 27.
Comparten cartel cos españois Estados Unidos, Xapón, Gales, Bélxica, Inglaterra, México e Alemaña.
En función do resultado deste primeiro choque, España terá outros rivais o venres 25 e o domingo 27.
José Rey pertence ao cadro do Cadete que lidera a División de Honra con 5 puntos de vantaxe sobre o 2º clasificado, o RC Celta. Esta temporada, suma 4 goles.
Desta forma, #ANOSACANTEIRA volve estar no punto de mira das categorías inferiores da selección española porque recentemente o dianteiro do Xuvenil A Kevin Sánchez participou coa sub-18 en dous partidos amigables ante Suíza na Ciudad del Fútbol de Las Rozas.
