O Fabril mantén a xeira vitoriosa á conta do Atlético Arnoia
O Fabril mantén a xeira vitoriosa que iniciou o pasado sábado ante o Polvorín FC cun novo triunfo esta noite (2-0) en Abegondo ante o Atlético Arnoia, en partido correspondente á 14ª xornada aprazado até en dúas ocasións por COVID.
O marcador non se movería durante os primeiros 45 minutos. Os ourensáns aguantaron ben as acometidas fabrilistas, que non tiñan moita claridade.
Após o descanso, Runy, destacado no partido ante o Polvorín FC do pasado sábado, abriu a lata no minuto 63 de penalti. Pouco despois, no 76, Davo sentenciou o choque. De novo decidiron os dous futbolistas determinantes agora mesmo no equipo de Óscar Gilsanz.
Con este resultado, o filial deportivista suma 31 puntos e instálase provisionalmente na cuarta posición da táboa.
Fabril: Brais Suárez, Iván Guerrero, Juan Rodríguez, Dani Barcia, Iano Simão, Fabio, Brais Val, Runy, Nájera, Mella y Davo. Tamén xogaron: Jairo, Sanmartín, Mario, Currás e Víctor.
Este domingo 6 de febreiro ás 17:00, a Fabril visita ao CD Choco en partido correspondente á 22ª xornada.
Os resultados do Fabril até a data son os seguintes:
Fabril 0 - Racing Villalbés 0 Noia CF 0 - Fabril 3 (Davo -2- e Yeremay) Fabril 2 (Runy e Yeremay) - Viveiro CF 0 Polvorín FC 1 - Fabril 0 Fabril 1 (Davo) - CD Choco 0 Ourense CF 0 - Fabril 0 Fabril 2 (Davo -2-) - SD Sofán 0 SD Juvenil de Ponteareas 0 - Fabril 0 Fabril 2 (Runy e Fabio) - CD Barco 1 Alondras CF 1 - Fabril 0 Fabril 3 (Yeremay -2- e Runy) - UD Somozas 0 CSD Arzúa 2 - Fabril 1 (Runy) Silva SD 1 - Fabril 2 (Davo e Dani Barcia) Fabril 1 (Javi Sanmartín) - CD Estradense 2 Rápido de Bouzas 3 - Fabril 1 (Davo) Racing Villalbés - Fabril, aprazado Fabril 0 - CF Noia 0 Viveiro CF 1 - Fabril 0 Fabril 4 (Davo -3- e Nájera) - Polvorín FC 1 Fabril 2 (Runy e Davo) - Atlético Arnoia 0