O Dépor debía buscar en Linarejos a inaprazable vitoria lonxe da Coruña coa baixa de dous dos referentes de ataque, polo que Óscar Cano tivo que recompor por completo toda a fronte ofensiva do equipo, finalmente con Kuki, Soriano, Saverio e Svensson.
O partido comezou cos dous equipos medindo os seus movementos e coas primeiras chegadas con acento local. No minuto 3 Fermín conduciu para disparar co interior, frouxo, ás mans de Mackay. Máis clara foi a seguinte, do propio Fermín, con estirada do gardameta coruñés e o fallo de Samu Corral ao atoparse a Roberto Olabe sobre a liña de gol para evitar o tanto.
O primeiro intento do Dépor chegou no 6, coa firma de Mario Soriano, que lle pegou duro pero moi desviado. A continuación, buscouna Saverio, máis colocada e preto do pau. Á terceira foi a vencida co primeiro tanto da mañá. Por dentro, preto do recanto e desde a frontal, meteuna Kuki Zalazar para sacudirse toda a tensión acumulada do día e da temporada.
O Dépor non se conformou coa vantaxe pola mínima. Svensson entrou pola dereita e o seu centro chute atopouse á defensa e o pau da portería antes de marcharse a córner.
O Linares trataba de buscar o empate, fundamentalmente a balón parado, primeiro cunha falta directa de Samu Corral que obriga a sacala a Mackay ás toas ou varios saques de esquina consecutivos, un rematado alto o outro, por Lolo, que sacou baixo paus Svensson.
O dianteiro deportivista foi protagonista salvando esa oportunidade de gol e colaborando a xerar o segundo ao arrastrar a toda a defensa cara á esquerda para abrir espazo para a magnífica condución e mellor definición de Kike Saverio para anotar con clase o segundo tanto.
Kuki tentou o terceiro recibindo desde a dereita de Antoñito, pero o balón non colleu a rosca suficiente. Tampouco puido rematar Svensson pase raso que cortou a defensa. Raúl xogouna só e mandouna desviada para pór a última dun moi bo primeiro tempo branquiazul
O Dépor arrincou a segunda metade tratando de controlar a vantaxe no marcador e aos poucos o Linares foi metendo atrás ao equipo até o centro de Campabadal ao segundo pau ao que chegou Fermín para rematar segundo lle caeu e meter de novo no partido ao equipo local.
Á saída dun córner Linarejos pediu penalti por unha acción defensiva de Olabe. Foi o prolegómeno a unha rápida xogada aos tropezóns do Linares que de novo acabou cara ao segundo pau para o remate de Samu Corral xunto a Jaime para pór as táboas no marcador.
Ian Mackay salvou o terceiro en dúas ocasións consecutivas, primeiro nun pase entre liñas de Samu Corral e xusto a continuación de Fermín que atalla abaixo coa bota esquerda. Co que non puido facer nada foi coa falta directa lanzada por Varela para pór o 3-2 no marcador.
Na área contraria, unha falta similar rematouna Soriano rasa e directa ás mans de Ernestas. Desviada rematouna Arturo nunha chegada pola dereita de Kuki. Pablo Martínez coa perna esquerda evitou o tanto do Linares nunha gran xogada persoal de Abeledo.
Arturo desde a frontal, entorpecido pola zaga, puido facer o terceiro, pero acabou nun córner que acabou subindo a tratar de rematar Mackay. O Dépor tentouno até o final pero non logrou recompor o que rompeu nunha segunda parte para esquecer pero que quedará no recordo negativo do Deportivismo.
Linares Deportivo: Ernestas, Javi Duarte, Caro, Lolo González, Candelas (Campabadal, min. 46), Aitor Gelardo (Varela, min. 46), Arnedo, Rodri (Abeledo, min. 68), Álex Sancris, Fermín (Callejón, min. 78) e Samu Corral (Hugo Díaz, min. 82).
RC Deportivo: Mackay, Antoñito (Trilli, min. 87), Jaime, Pablo Martínez, Raúl Carnero (Lebedenko, min. 87), Isi Gómez (Yeremay, min. 76), Olabe, Kuki Zalazar, Mario Soriano, Saverio (Rubén Díez, min. 67) e Svensson (Arturo, min. 67).
Goles: 0-1 Kuki (min. 8); 0-2 Saverio (min. 23); 1-2 Fermín (min. 54); 2-2 Samu Corral (min. 63), 3-2 Varela (min. 74).
Árbitro: Alberola Rojas (c. castellano-manchego). Amoestou a Olabe (min. 12), Gelardo (min. 30), Ernestas (min. 48) e Javi Duarte (min. 76). Expulsou ao segundo adestrador local Enrique González (min. 61).
Incidencias: Partido da 36ª xornada en Primeira Federación disputado en Linarejos.
