Os Nosos volveron esta mañá aos adestramentos despois da xornada de descanso de onte martes. En rolda de prensa esta mesma mañá, Davo avogou por "seguir traballando, seguir currando e tentar reverter a situación canto antes".
A novidade na sesión de hoxe foi a presenza de David Mella no grupo durante a primeira parte da xornada. O canteirán entrou xa na recta final da súa recuperación.
Imanol Idiakez dispuxo, após unha activación con roda de pases, dunha serie de exercicios de posición no campo 2 con porterías pequenas; e fútbol reducido, de alta intensidade, para un grupo de futbolistas.
Ademais do citado Mella, Martín Ochoa, Jairo, Rubén, Marc, Kevin e Óscar Marotías foron os representantes de #ANOSACANTEIRA.
Mañá xoves, o Dépor continuará ás 11:00 en Abegondo coa preparación do partido deste domingo 3 de decembro ás 17:00 (FEF TV) no Estadi Johan Cruyff ante o FC Barcelona Atlètic.
