Por outra banda, Ivan Pérez foi intervido cirurxicamente no Hospital USP Santa Teresa polo Dr. Rafael Arriaza. Ao xogador do Deportivo B practicóuselle unha artroscopia de ombreiro, pola inestabilidade recidivante que presentaba. A lesión afectaba ao rodete glenoideo, a marxe ósea anterior da glenoides e ao tendón da porción longa do bíceps. Iván Pérez permanecerá inmobilizado un período de aproximadamente 6 semanas, para iniciar posteriormente o tratamento fisioterápico. Calcúlase que necesitará un prazo de 4 a 6 meses para poder reincorporarse á competición.
