''Podemos competir en calquera campo'', advirte Mosquera en referencia ao partido no Calderón

De face ao encontro deste sábado 12 de marzo no Vicente Calderón ante o Atlético de Madrid (20.30 horas, Canle + Liga / Abono Fútbol) lembrando que unha semana máis tarde chega o Levante a Riazor (sábado 19 de marzo), di Pedro que "todos os partidos son importantes. Se na primeira volta diciamos que en calquera campo podiamos competir eu creo que esta segunda volta a actitude ten que ser a mesma. Podemos competir en calquera campo. Podemos facer un bo partido onde sexa e imos tentar facer un bo partido e sumar algún punto".

 

Insiste en darlle a mesma importancia ao encontro do Atlético que ao do Levante, a pesar de que o Dépor viaxe a Madrid con xogadores apercibidos e conte con varios lesionados: "Non é a primeira vez que hai xogadores apercibidos de sanción, non é a primeira vez que imos xogar con moitas baixas. De feito nesta segunda volta estamos a ter bastantes baixas importantes e ao final nós temos compañeiros que poden facelo igual de ben. E despois está o míster que decidirá quen xoga este partido, o fin de semana que vén e cando sexa".

 

Descarta que o equipo pense máis no Levante: "Se imos xogar contra o Atlético de Madrid pensando no seguinte partido vai ser un resultado difícil de dixerir. Nós temos que ir alí a competir. Somos o Deportivo da Coruña, non temos que ser inferiores a ninguén e aínda que agora estamos a pasar por un refacho un pouco máis complicada, temos a moral alta e temos que ir facer un bo partido alí".