- Foto: www.rfef.es -
Juan Rodríguez, xogador do Cadete A do RC Deportivo, foi convocado pola Selección Española sub-16 para o Torneo de Desenvolvemento UEFA que se disputou nas instalacións da Federación Inglesa de St. George's Park, en Burton-upon-Trent (Inglaterra).
Hoxe luns, o combinado nacional mediuse a Dinamarca na terceira e última xornada, que finalizou cun espectacular empate (3-3). Juan Rodríguez comezou o choque no banco. Tralo descanso, o lateral zurdo deportivista saltou ao céspede en substitución de Cristian Delgado.
O pasado venres, fronte á anfitrioa Inglaterra, Juan Rodríguez non chegou a saltar ao terreo de xogo. O triunfo foi local (2-0), ante un combinado español con moitos cambios na súa aliñación respecto ao do seu debut nesta competición.
Na primeira xornada, o canteirán branquiazul foi titular ante Escocia, nun partido que se saldou con triunfo hispano (1-2). Juan xogou 67 minutos e foi substituído por José Martínez.
Os resultados da Selección Española sub-16 nesta fase foron os seguintes:
Mércores 14 de febreiro
ESPAÑA 2 - ESCOCIA 1
Venres 16 de febreiro
INGLATERRA 2 - ESPAÑA 0
Luns 19 de febreiro
ESPAÑA 3 - DINAMARCA 3
