Semana de recuperación física e anímica para o Deportivo ABANCA, sen competición ligueira esta fin de semana.
O próximo visitante a Ponte dos Brozos (Arteixo), o domingo 15 de abril, será o Victoria CF da Coruña, en choque pertencente á 25ª xornada.
Manu Sánchez, técnico deportivista, dispuxo o seguinte plan de adestramentos para esta semana:
Martes 3 de abril
20:30: Adestramento en Abegondo
Mércores 4 de abril
20:00: Adestramento en Abegondo
Xoves 5 de abril
20:30: Adestramento en Ponte dos Brozos (Arteixo)
O Deportivo ABANCA é segundo na clasificación con 67 puntos, a 2 puntos de distancia do Oviedo Moderno, líder con 69 puntos.
Teresa xoga hoxe con España sub-19
Teresa Abelleira foi convocada pola selección española sub-19 para o minitorneo da Rolda Elite do Campionato de Europa da categoría, desde hoxe luns 2 de abril.
O torneo desenvolverase na República de Irlanda.
A selección española que dirixe Pedro López terá o seguinte calendario de partidos:
Luns 2 de abril
19:00 (hora local): ESPAÑA - TURQUÍA, en The Mardyke-UCC (Cork)
Xoves 5 de abril
19:00 (hora local): ESPAÑA - REPÚBLICA DE IRLANDA, en Turner's Cros (Cork)
Domingo 8 de abril
14:00 (hora local): AUSTRIA - ESPAÑA, en St. Colman's Park (Cobh)
O gañador de cada un dos 7 minitorneos farase cunha praza para a fase final. A anfitrioa Suíza completa os 8 competidores que loitarán polo título continental en terras helvéticas do 18 ao 30 de xullo.
