Adestramento de recuperación para os titulares en Vitoria
Os futbolistas titulares onte en Mendizorroza realizaron esta mañá un adestramento suave de recuperación, con carreira continua, estiramentos e tratamento de fisioterapia, xa no vestiario.
Para o resto (Laure, Albentosa, Álex Bergantiños, Navarro, Andone e Guilherme), ademais do fabrilista Óscar, houbo un quecemento, rondos, un exercicio de posesión e, para acabar, un traballo de finalización.
Mañá venres 13 de xaneiro, os xogadores están citados ás 17:00 en Abegondo, na última sesión previa á visita do Villarreal a Riazor, prevista para este sábado 14 de xaneiro ás 20:45 (Bein Sports).