#ANOSACANTEIRA copa as convocatorias das seleccións galegas sub-16 e sub-14
Os xogadores de #ANOSACANTEIRA serán maioría nos combinados galegos sub-16 e sub-14 que os próximos días 6, 7 e 8 de marzo disputarán en Ourense a Segunda Fase do Campionato de España de Seleccións Autonómicas.
O seleccionador sub-16, Jesús López, convocou a 9 deportivistas na súa lista de 18 xogadores. Hugo Lemos, Rubén López, Cristian Canales, Diego Gómez, David Mella e Martín Ochoa, xogadores do Cadete A branquiazul que domina con folgura a División de Honra da categoría, e Álex Delgado, Gabriel Ares e Álex Montero, do Cadete San Tirso, forman a 'armada' branquiazul.
O combinado sub-14, dirixido polo exdeportivista David Páez, contará con 5 xogadores branquiazuis entre os 18 elixidos. Zoe Ceias, Jorge García Palomares, Dani Estévez, Lucas Taibo e Juan Barros, futbolistas do Infantil A deportivista, representarán ao Club.
Ambas as seleccións, con opcións de coarse na Fase Final en caso de gañar ambos os partidos, mediranse aos combinados de Estremadura e Ceuta cos seguintes horarios:
Selección sub-16 Venres 6 de marzo 12:30: ESTREMADURA - GALICIA Domingo 8 de marzo 12:30: GALICIA - CEUTA
Selección sub-14 Venres 6 de marzo 10:30: ESTREMADURA - GALICIA Domingo 8 de marzo 10:30: GALICIA - CEUTA
Todos os encontros disputaranse no Campo Municipal de Oira, en Ourense.