Os equipos de categorías inferiores do RC Deportivo, #ANOSACANTEIRA, non deterán a súa actividade malia o parón ligueiro de Semana Santa. Os dez equipos branquiazuis participarán en diferentes torneos por toda a xeografía española e europea.
Os tres equipos de idades máis curtas, Alevín B e Benxamín A e B, disputarán dous torneos cada un, mentres que os outros sete conxuntos participarán nun.
Serán en total 13 torneos nos que tomen parte os conxuntos branquiazuis, 4 deles fóra de España. O Xuvenil B desprazarase á illa de Sicilia, en Italia. O Cadete A viaxará a Nantes (Francia), o Infantil B a Irlanda e o Benxamín A a Alemaña, para xogar en Stuttgart.
Outros 7 torneos serán fóra de Galicia, en Oviedo (Xuvenil A e Alevín B), Zaragoza (Cadete A), Alacante (Infantil A), Tarragona (Alevín A), Valladolid (Benxamín A) e Toledo (Benxamín B).
As 2 participacións restantes serán en Galicia, por medio do Alevín B, que xogará en Baiona (Pontevedra), e do Benxamín B, en Caldas de Reis (Pontevedra).
Este é o calendario completo da Semana Santa de #ANOSACANTEIRA:
Xuvenil A Oviedo Cup (Oviedo, do 13 ao 16 de abril)
Xuvenil B Torneo Internazionale Etna Sud (Sicilia/Italia, do 12 ao 18 de abril)
Cadete A Torneo Cesaraugusta (Zaragoza, do 13 ao 15 de abril)
Cadete B Mondial U15 La Saint Pierre de Nantes (Nantes/Francia, do 19 ao 22 de abril)
Infantil A MiBalón International Cup (Teulada-Moraira/Alacante, do 13 ao 16 de abril)
Infantil B Saint Kevin's Boys Academy Cup Tournament (Dublín/Irlanda, do 13 ao 17 de abril)
Alevín A Mundialito (Cambrils/Tarragona, do 8 ao 16 de abril)
Alevín B Torneo F8 Erizana CF (Baiona/Pontevedra, o 11 de abril) Oviedo Cup (Oviedo, do 13 ao 16 de abril)
Benxamín A Íscar Cup (Medina del Campo/Valladolid, do 13 ao 15 de abril) Orthopaedikos Cup (Stuttgart/Alemaña, 22 e 23 de abril)
Benxamín B Torneo Carlos Luis Alonso Arrogante (Illescas/Toledo, do 12 ao 15 de abril) Torneo Villa de Caldas (Caldas de Reis/Pontevedra, o 16 de abril)