Antonio Couceiro, presidente do RC Deportivo, lamentouse na sala de prensa de ABANCA-RIAZOR de que o ascenso "o tivemos moi preto, pero desgraciadamente non puido ser. Isto é fútbol e xogalo todo un partido ás veces ten estas cousas".
O máximo dirixente branquiazul apunta por conseguinte que "temos que seguir loitando claramente por conseguir levar ao Deportivo onde realmente merecer e sobre todo, estar á altura de #ANOSAFORZA. Eu quero dar as grazas á actitude, á participación, aos ánimos que nos deu a afección ao longo de toda a temporada. Non foi exclusivo deste partido. A ilusión que nos transmite e ese apoio constante de principio a fin é un dos nosos grandes valores e grandes fortalezas para o futuro". "Transmitir fundamentalmente o noso agradecemento a esta afección extraordinaria porque, como alguén comentaba esta semana, posiblemente sexa a mellor afección do mundo", engadiu.
Antonio Couceiro subliña que "desde o vindeiro luns retomamos o noso traballo. Estamos cunha enorme ilusión para seguir tomando as mellores decisións, para mellorar día a día todos os aspectos do Deportivo e lograr conseguir ese obxectivo irrenunciable que é a volta ao fútbol profesional".
Reitera finalmente o "absoluto respaldo que temos para seguir adiante por parte do primeiro accionista do Deportivo e convencido dos máis de 22.000 accionistas que forman tamén parte do capital para tratar de adoptar esas mellores decisións que nos leven a recuperar ese nivel futbolístico que a #ANOSAFORZA e A Coruña merécese. Estou convencido de que viviremos moitas tardes de fútbol inesquecibles aquí en ABANCA-RIAZOR e volveremos reescribir a gran historia que o Deportivo se merece".
