A continuación, e xa no mes de xuño, Coloccini enfrontarase a México en San Diego (Estados Unidos) o día 4 e a Estados Unidos en Nova York o día 8 de xuño.
Andrés Gardado foi citado pola Selección Mexicana de fútbol para disputar catro partidos internacionais no mes de xuño. O xogador incorporarase o 19 de maio, a partir de que finalice a liga. Dous dos encontros son amigables: o 4 de xuño en San Diego (Estados Unidos) ante Arxentina; e o 8 de xuño en Chicago (Estados Unidos) fronte a Perú. E os outros dous compromisos son clasificatorios para o Mundial de Sudáfrica 2010: o 15 de xuño en Houston (Estados Unidos) fronte a Belice e a volta o 21 de xuño en Monterrey (México) fronte á Selección de Belice.
No Deportivo hai outro futbolista que tamén, por compromisos internacionais, terá menos descanso que o resto. Trátase de De Guzman. A Selección canadense de fútbol concentrarase o próximo 25 de maio na localidade estadounidense de Seattle para preparar a Fase de Clasificación para o Campionato do Mundo 2010. En primeira rolda, o rival canadense será San Vicente e Granadina. A ida xogarase o 15 de xuño en San Vicente e a volta en Montreal o 20 de xuño.
Antes, De Guzman ten previsto xogar con Canadá un partido amigable en Seattle o 31 de maio, con rival por determinar; e outro en Panamá ante a Selección Nacional Panameña o 6 de xuño.
