No quizais mellor partido fóra de casa do Fabril no que vai de temporada, o filial deportivista tampouco logrou puntuar, esta vez na difícil cancha do UD San Sebastián de los Reyes (2-0).
E iso que este encontro correspondente á 28ª xornada no grupo 1º de Segunda División B púxose costa arriba no minuto 9, cun gol do dianteiro local Sergio Castel.
O Fabril refíxose e plantou cara, sobre todo na segunda metade, a un equipo madrileño que pelexa polo ascenso, e que só puido sentenciar no minuto 90 cun segundo gol obra de Escudero.
Entre ambas as dianas, dominio fabrilista, sobre todo na segunda metade, e algunha que outra ocasión para marcar, por exemplo a que gozou Guillermo May no minuto 82, con 1-0 no marcador.
Este resultado deixa ao Fabril en 20ª posición, con 18 puntos.
Fabril: Álex Cobo, Valín, Quique Fornos, Raúl González, One, Carlos López, Víctor, Javi Cobo, Uxío, Montiel e Abeledo. Tamén xogaron: May, Bicho e Juanje.
O vindeiro domingo 17 de febreiro ás 17:00 horas, o Fabril recibe en Abegondo ao Coruxo FC.
Así marcha a temporada do Fabril:
Internacional de Madrid 2 - Fabril 2 (Víctor -2-)
Fabril 0 - RC Celta B 1
CF Fuenlabrada 1 - Fabril 0
Fabril 1 (May) - Ponferradina 2
Burgos 2 - Fabril 1 (Raúl González)
Fabril 1 (Quique Fornos) - CF Salmantino 0
Guijuelo 1 - Fabril 0
Fabril 2 (Juanje e Montiel) - AD Unión Adarve 3
Fabril 0 - UD San Sebastián de los Reyes 1
Coruxo FC 1 - Fabril 0
Fabril 2 (Uxío e Gandoy) - Rápido de Bouzas 1
Pontevedra CF 2 - Fabril 2 (Montiel e Villares)
Fabril 1 (Quique Fornos) - Las Palmas Atlético 1
Atlético de Madrid B 3 - Fabril 0
Fabril 4 (Víctor -2-, May e Uxío) - Real Madrid Castilla 3
Unionistas de Salamanca CF 0 - Fabril 0
Fabril 1 (Uxío) - CyD Leonesa 2
CDA Navalcarnero 2 - Fabril 0
Fabril 1 (May) - Real Valladolid B 1
Fabril 0 - Internacional de Madrid 1
RC Celta B 2 - Fabril 0
Fabril 0 - CF Fuenlabrada 1
SD Ponferradina 3 - Fabril 0
Fabril 2 (May e Montiel) - Burgos CF 0
CF Salmantino 0 - Fabril 0
Fabril 0 - CD Guijuelo 1
AD Unión Adarve 1 - Fabril 0
UD San Sebastián de los Reyes 2 - Fabril 0
