RCD / NOVAS

Borja Jiménez, sobre o partido do domingo en ABANCA-RIAZOR: "Estamos concienciados de que nos vai a custar"

04/02/2022 18:21

Borja Jiménez desvelou este mediodía na sala de prensa de Abegondo que se puxo en contacto a principios de semana co técnico do Real Unión de Irún, rival do Dépor este domingo 6 de febreiro (17:00 horas, Footters) en ABANCA-RIAZOR "non para saber se se ía a disputar o partido, senón por preocuparnos pola súa situación. É un compañeiro de profesión que tivo unha situación complicada. O que si que podo dicir é que tanto deles co seu número de baixas como nós tentamos adaptarnos para poder dar vida á competición e que non se parase".

O técnico branquiazul descoñece a día de hoxe as baixas coas que conta o conxunto vasco pero destacou "a súa intención de xogar e así vai ser. Se non hai ningún contratempo o partido fixouse noutra data precisamente para que se poida disputar, ou sexa que en principio haberá partido".

Sobre o encontro da primeira volta no irundarra Stadium Gal, último choque perdido polo Dépor na liga, lembra que "fomos superiores en canto a dominio e ocasións, pero é un equipo que unha das súas maiores virtudes é como transita. Fai as cousas moi ben. En xogo posicional ten a capacidade de xerar moitas situacións, desde mesmo o saque de porta, próximas ao gol. Aí están os seus números e por iso están aí arriba. Non sei se terán moitas baixas ou non. Non creo que nos atopemos un Real Unión irrecoñecible, independentemente de que teña unha, dúas ou tres baixas como imos poder ter nós".

Por conseguinte, insiste en que "nos imos a atopar un equipo que, independentemente de quen xogue, ten moi claro a que xoga, o seu adestrador transmítello así e vai ser un partido moi difícil. Nós estamos concienciados de que nos vai a custar porque é o último equipo que nos gañou, púxonolo moi difícil e aquí vaino a facer igual".

Pide a #ANOSAFORZA, "xa que a semana pasada non puidemos ter fútbol, que se anime, que nos empuxe. Temos moitas ganas de volver sentilos, de estar con eles. Quédannos dez partidos en ABANCA-RIAZOR que por todo o que vaiamos disputando aquí, máis o que vaiamos conseguindo fóra, vai estar bastante nas súas mans o poder conseguir o obxectivo".

De todo o que rodeou á disputa deste partido, Borja Jiménez confesa que "a incerteza foi máis fóra que realmente dentro. Eu en ningún momento tiven a sensación de que se fose a suspender porque eles querían xogar e nós tamén, independentemente do número de baixas. Entón non tiven esa sensación de que non se fose a disputar en ningún momento. Nin eu nin os futbolistas. Polo menos iso tenteilles transmitir e ese era un pouco o feedback que aí dentro nos daban".

Está convencido que "non van ter moitas baixas. Non pensedes que vai vir un equipo con dez xogadores. Non nos vaiamos a pensar que vai vir aquí un Real Unión que non vaiades coñecer. Van vir a maioría dos xogadores, senón todos porque se non, non se disputaría o partido. Se tivesen oito baixas por COVID ou seis, non se ía a disputar. Fixeron todo o posible porque se dispute. E vai vir un equipo moi recoñecible. Non sei cal dos dous equipos vai ter máis baixas o domingo, se nós ou eles".

Preguntado pola hora e día do partido ante o Real Racing Club, Borja Jiménez quere que "sexa a unha hora onde lle veña ben a toda a nosa xente porque así fixemos nós en Zamora. Claro que é tarde para volver de viaxe, pois chegamos aquí ás 5:00 da mañá o día seguinte. Pero non pasa nada. É igual que lle pasou ao Ferrol a semana anterior, cando foi a xogar a Santander ás 21:00. É o normal. Son os horarios habituais que está a ter a competición a última semana, así pois xogarase nun horario habitual, senón cada vez é ir facendo cousas novas ou ir modificando as cousas que viñeches facendo. Entón claro que dá máis lugar a suspicacias. O importante é xogar o día que sexa e gañar".

Ve sobre este tema a "demasiada xente implicada e non quería facer declaracións. O que quero é xogar o partido e tentar gañar. O día que nos manden. Non me confirmaron por parte do club que vaia a ser o día 16. Creo que vai enfocado cara a esa data e é case obrigatorio porque a Federación esixe que fose o primeiro día posible. Entón intúo que será o primeiro día posible".

Confesa sentir o pasado sábado, día no que foi aprazado, "relativa pena sobre todo pola nosa xente, que tiña moitas ganas do partido. Non vou entrar a valorar nin o que diga o adestrador rival nin nada do que pasou. Eu sempre tento competir esta fin de semana. Creo que a semana pasada tivésemos seis ou sete baixas. Non sei de que maneira puidésemos afrontalo. O que si que teño moi claro é que o fixemos con total garantías, independente dos xogadores que estivesen dispoñibles. E agora xogaremos igual o día que nos mande a Federación. Eu o que quero é xogar o día que sexa, porque ao final isto é un deporte e creo que o tema do COVID fíxonos vivir situacións ao país, ao mundo enteiro, moi fodidas. Non quero frivolizar con nada disto porque é moito máis importante a saúde que calquera deporte".

Por outra banda, Borja Jiménez asegura que non existe ningún tema con Menudo: "Non deixou en ningún momento de ser xogador do Deportivo e o trato pódovos asegurar que é o mesmo o venres pasado que hoxe mércores. É a mesma persoa. A miña relación nin cambiou antes nin vai cambiar agora. O día que creamos que Menudo ten que xogar 10 minutos, xogará 10. O día que creamos que ten que xogar 80, 80; ou xogar todos os días 90. Non vai cambiar nada e a miña relación con el segue sendo a mesma".

Finalmente, sobre #ANOSACANTEIRA, o adestrador deportivista indica "gústame ver fútbol base, estar o máis preto posible dos xogadores que están preto do primeiro equipo, de seguirlles no día a día a todos, dentro do que son as posibilidades de tempo libre, que no meu caso é moi pouco porque a dedicación ao primeiro equipo é moi grande, case 24 horas, aínda que a xente non llo crea. Sempre que temos un ratiño tentamos achegarnos ao Fabril ou ao Xuvenil, cando foi a Youth League ou algún día que lles vin xogar en casa. É moi importante que a canteira sexa parte do proxecto de Club porque hai un arraigamento, hai ese sentimento de pertenza dun mesmo. Pero isto é como todo, nós podemos ter moitas ganas de que saian oito canteiráns, pero non é cuestión de ganas, é cuestión de que realmente teñan ese potencial para facelo de maneira continuada. Normalmente cando as cousas non van ben ou cando os equipos están preto de tocar fondo, é cando emerxen esas figuras, porque probablemente se o equipo estivese agora en Primeira División e fose sétimo clasificado, non habería ningún canteirán. Estou case convencido porque o nivel dos xogadores de Primeira División, queirámonos dar conta ou non, é mellor que os de Primera RFEF. Estes momentos onde o Club baixa o nivel porque estás nunha categoría que non pertence, aí si que poden os canteiráns dar ese salto que lles permita ter esa visibilidade. Agora temos xogadores que nos están achegando moito. Hai xogadores que veñen por baixo en categorías inferiores que tamén poden achegarnos moito, pero o sentimento de pertenza, que podemos crer que temos un infantil moi bo, igual en dous anos xa non é noso porque pasou a ser doutro equipo. Nos procesos de formación hai que ter moita calma, porque hoxe o que parece que é noso dentro dun mes pode deixar de ser teu".

Na súa opinión hai que aproveitar estes momentos "cos que xa teñen unha continuidade no primeiro equipo e os que deron o salto este ano, que son Noel, Trilli e Yeremay; ou os que están connosco no día a día. Hai que coidarlles, darlles agarimo e mentres estean aquí sacarlles o máximo rendemento porque oxalá estean aquí moitísimos anos. Sería bonito para o Club, pero vai estar nas súas mans o seguir o rendemento porque se o Club vai crecendo eles teñen que poñerse ao nivel das esixencias do Club".

Máis novas de: BORJA JIMÉNEZ