Dentro do programa de actividades e adestramentos do Deportivo de LaLiga Genuine, este mediodía disputáronse unha serie de partidos de adestramento nos que participaron os xogadores do conxunto branquiazul mesturados con representantes dos diferentes equipos cadetes do Club.
Hugo Matos, do Cadete B; Baldomar, Álvaro, Cristian e Seydi, do Cadete A Santirso; e Pareda, Hugo Suárez, Noel, Padín e Víctor Guedes, do Cadete A, foron os participantes nos dous partidos simultáneos de fútbol 8 disputados no campo 1 da Cidade Deportiva da Torre.
Esta xornada de adestramento enmárcase dentro das actividades que veñen desenvolvendo este ano co equipo do Deportivo de LaLiga Genuine, para seguir coa preparación da seguinte fase da competición, os días 6 e 7 de abril.
