RCD / NOVAS

Caparrós recoñece que ten pendente unha reunión con Lendoiro e que queda un ano de contrato

Joaquín Caparrós compareceu esta mañá na sala de prensa do Mundo do Fútbol. O técnico deportivista asegura que está "moi centrado" no partido próximo, que é a visita a Barcelona o sábado ás 22.00 horas. Recoñece Caparrós que ten pendente unha reunión co Presidente do Club, Augusto César Lendoiro, "para falar de fútbol". Que ese conclave, "pode ser hoxe, mañá ou a próxima semana. Non ten porqué ser inmediato", é "como calquera outro que temos el e eu" e lembra que queda un ano de contrato no Deportivo.

27/03/2007 16:22

Respecto ao partido no Camp Nou, Caparrós advirte que o Deportivo non variará o seu esquema aínda que "é certo que o rival, pola súa forma de xogar pode facer que adoptemos un determinado esquema". Restou importancia á ausencia do sancionado Arizmendi, "ésto é competición", insiste e, aínda que ten "claro" o equipo que oporá ao Barça, "imos esperar ao venres a que estean todos os internacionais".
Vídeo de Joaquín Caparrós na sala de prensa.

Máis novas de: JOAQUÍN CAPARRÓS

RCD / Noticias Relacionadas

13/06/2007 22:49 |

Caparrós reuniuse esta tarde co Presidente

Ver rolda de prensa de Caparrós Segunda reunión entre o técnico, Joaquín Caparrós, e o Presidente da entidade, Augusto César Lendoiro. Esta vez, o lugar elixido por ambos foi a sede do Club na Praza de Pontevedra. Tras pouco máis de 35 minutos reunidos, Caparrós, nunha rolda de prensa improvisada ante numerosos medios de comunicación, manifestou que fora "moi cordial" e que ambas as partes quedaron emprazadas para unha nova toma de contacto a principios da próxima semana, "unha vez que finalice a competición ligueira".